Иран билігі Ауғанстанға 18 мыңға дейін босқынды жіберді, деп хабарлайды inbusiness.kz Мехр агенттігіне сілтеме жасап.
Хорасан-Резави провинциясының полиция қызметінің басшысы Маджид Шока соңғы 10 күнде Ислам Республикасының әртүрлі бөліктеріндегі шекарашылар мен полицейлер анықтаған 17 926 ауғандық жер аударылғанын айтты.
Босқындар "Догарун" БӨП арқылы шығарылды.
Иран ІІМ басшысы Ахмед Вахиди бұған дейін елдегі босқындар саны 5 миллионнан асатынын, оларлың дені Ауғанстаннан келгендерін айтқан болатын.
Вахиди осы уақытқа дейін ауған босқындарынан ешқандай қауіп-қатер туындамағанын мойындады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
