"Штатты оңтайландыру есебінен үнемделген және бюджеттен қосымша бөлінген 20 млрд ақшаға 2019 жылғы 1 шілдеден бастап патрульдік полиция қызметкерлерінің жалақысы – 65%-ға, жедел тергеу бөлімшелерінің жалақысы – 55%-ға, учаскелік инспекторлар мен кәмелетке толмағандар ісі жөніндегі инспекторлардың жалақысы – 25%-ға, полиция мен қылмыстық-атқару жүйесінің қалған қызметкерлерінің жалақысы – 20%-ға өсті", – деді министр.
Ерлан Тұрғымбаевтың айтуынша, полиция қызметкерлерінің айлық жалақысы мемлекеттік бюджет есебінен жалақы төленетін орган қызметкерлеріне еңбекақы тағайындаудың бірыңғай жүйесіне сәйкес белгіленді. Еңбекақы төлеу жүйесін жетілдіру аясында Ішкі істер органдары қызметкерлерінің жалақысы алдағы 3 жылда кезең-кезеңімен тағы 30%-ға өседі.
Қанат Махамбет
