Ішкі істер министрлігі кадр саясаты департаментінің бастығы Айдар Сайтбеков еліміздің құқық қорғау жүйесінде шериф қызметі пайда болуы мүмкін екенін мәлімдеді.
"Біз АҚШ, Ұлыбритания, Канада мемлекеттерінде кеңінен тараған шериф моделін енгізу мәселесін пысықтап жатырмыз", – деді ол.
Айдар Сайтбековтың сөзінше,шериф – әкімшілік-соттық лауазым. АҚШ-та шериф округтық полицияның басшылығында тұрады. Ал Ұлыбританияда графтықтардағы үкіметтің негізгі өкілі саналады.
ІІМ өкілінің айтуынша, болашақта "аттам жердегі полиция" қағидаты енгізіледі.
"ІІМ қылмыстың көп тіркелуі бойынша елді мекендерге талдау жүргізіп, патрульдік полиция қызметкерлерінің бағдарын өзгертеді", – деді Айдар Сайтбеков.
Қанат Махамбет
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
