ҚР Ішкі істер министрінің бірінші орынбасары Марат Қожаев Киевте Айдос Садықовқа қастандық жасады деген күдікпен ұсталған А. Жақанбаевқа қатысты түсінік берді, деп хабарлайды inbusiness.kz сайты.
Бүгін Мәжілістің жалпы отырысынан кейін тілшілер ІІМ өкілінен "күдікті Жақанбаев тергеу органдарына өзі берілді ме?" деп сұрады.
Өз кезегінде М. Қожаев күдікті Қазақстанның ішкі істер органдарына өз бетінше хабарласқанын айтты.
"Қазір тергеу амалдары жүріп жатыр. Арнайы прокурорлар осы іспен айналысып отыр. Ішкі істер министрлігі қазір жедел іздестіру қызметімен айналысып жатыр", - деді ҚР Ішкі істер министрінің бірінші орынбасары.
Сонымен қатар ол екінші күдікті Мейрам Қаратаевты іздестіру жұмыстары жалғасып жатқанын нақтылады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
