Бұл күндері Батыс Қазақстан облысында ерлігімен ерекшеленген полицейлерге арналған акция өтуде. Тәуелсіздік жылдарында ішкі істер органдарының 780 қызметкері қызмет бабында қаза тапқан. Мыңнан аса полицей қаһармандығы үшін марапатталса, олардың 130-ына марапат өмірден өткен соң беріліпті, деп хабарлайды 24.kz.
Астаналық жол-патрульдік инспекторы Азамат Балтабаев бір жылда үш рет батырлығымен көзге түскен екен. Өрт кезінде ол басын қатерге тігіп, көп қабатты ғимараттан мүгедек жан мен кейуананы алып шыққан. Аға лейтенант 9-қабаттағы терезенің алдында отырған 6 жасар баланы да аман алып қалған. Ал өткен жылы ол көпірден суға секірген жігітті құтқарды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
