"Бүгінде полиция қызметкерлерін 3 академия, Ақтөбе институты және Шымкент пен Павлодардағы оқу орталықтары даярлайды. Қарағандыда тергеушілер мен криминалистер, Алматыда жедел және техникалық қызмет мамандары білім алады. Қостанайда болашақ қылмыстық-атқару жүйесі маманының, Ақтөбе мен Павлодарда әкімшілік полицияның, Шымкентте мамандандырылған күзет қызметкерінің шеберлігі шыңдалады", – деді министр.
Ерлан Тұрғымбаев оқу бағдарламасы жаңарып, арнайы курстар енгізілгенін мәлімдеді.
"Алматы академиясында басшылық құрамды даярлайтын №1 және №2 факультеттер ашылды. Ол жерде басқару, шешендік өнер, IT-сауаттылық бойынша дәріс оқылады. Заң факульті бар рейтингі жоғары 33 оқу орнымен меморандум жасалды. Оны бітірген үміткерлер 3 және 6 айлық курстан өтеді", – деді министр.
Қанат Махамбет
