Исландияда Гриндавик қаласының маңында Сундхнукур жанартауы оянды, деп хабарлайды inbusiness.kz сайты.
Сол себепті жақын жерде орналасқан аудандың тұрғындары эвакуациялануда.
Гриндавик өртке қарсы қызметінің өкілі Эйнар Свен Йонссон жанартау оянған соң ауданда төтенше жағдай режимі жарияланғанын мәлімдеді.
Аудандағы адамдарды эвакуациялау аяқталуға жақын.
Ал Исландия метеорологиялық қызмет өкілі Бенедикт Офейгссонның сөзінше, жанартаудан соң пайда болған саңылаудың ұзақтығы 40 минутта 1,5 шақырымға жетіп, қазіргі уақытта 3,9 шақырымды құрап отыр.
Ал жанартаудан атылып шыққан балқыған отты сұйық зат – лава сағатына 6 шақырым жылдамдықпен атқылап жатқаны белгілі болды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
