Педро Санчес: "Қазіргі жағдайда үкімет құруға еш мүмкіндік жоқ, сондықтан біз 10 қарашада сайлау өткізуіміз керек. "Подемос" партиясы консервативті оппозициямен бірлесе прогрессивті үкімет құруымызға төртінші мәрте кедергі келтіріп отыр. Екі рет 2016 жылы және тағы да екі мәрте 2019 жылы бізге мүмкіндік бермеді", – деді.
Айта кетейік, сәуір айында Педро Санчес сайлауда жеңіске жеткенімен, партиялардың келісімін алмағандықтан үкіметті құруға рұқсат беретін мандатқа қол жеткізе алмай келеді.
Ал "Подемос" партиясының көшбасшысы Пабло Иглесиас болса: "Прогрессивті үкіметті құру барысында 7 миллион адам сайлаған Социалистік партияға басымдық беріледі деген барып тұрған әділетсіздік. Бізге де дауыс берген 4 миллион адамның мүддесі ескерілуі тиіс. Біздің ұстанымымыз осындай", – деп басып айтты.
Табиғат Нұрболат
