Италия жеке компаниялар мен мемлекеттік құрылымдардың барлық қызметкерлерін Green Pass сертификатын (пандемия кезінде Еуропалық Одақ қабылдаған денсаулық жөніндегі сертификат) алуға міндеттейтін Еуропадағы алғашқы ел болды, деп хабарлайды Inbusiness.kz Agenda Digitale порталына сілтеме жасап.
Green Pass 15 қазаннан бастап талап етіледі. Азаматтар вакцинацияланғанын немесе ПТР тест тапсырғанын растауы керек. Егер қызметкерлер Green Pass алудан бас тартса, онда олар жұмыстан уақытша шеттетіледі, жалақы алуын да тоқтатады.
Компаниялар өз қызметкерлерін жұмыстан шығармайды, тек шеттетеді. Егер қызметкер жұмысқа сертификатсыз келсе, оған 1500 еуро, ал жұмыс берушісіне 1000 еуро көлемінде айыппұл салынады. Вакцинаның бірінші дозасын алған италиялықтар ел аумағында, екінші дозасын ектіргендер ЕО аймағында саяхаттай алады.
Табиғат Нұрболат
