Рим кәсіпорындар үшін аукцион өткізеді, онда қала билігі үш жыл ішінде 20 ТВт / сағ электр энергиясын нарықтан екі есе төмен бағамен сатып алуды ұсынады. Оның орнына компаниялар жасыл энергетика жобаларын дамытуға және 20 жыл ішінде жасыл электр энергиясын дәл сол бағаға сатуға міндетті болады, деп хабарлайды inbusiness.kz сайты.
"Италия энергетикалық шығындардың өсуін тежеу мақсатында энергияны көп қажет ететін өнеркәсіптік кәсіпорындар үшін 20 ТВт/сағ электр энергиясын аукционға шығарады, оның бағасы МВт/сағ үшін 60 евро – қазіргі көтерме бағаның жартысына жуығы", — деп хабарлайды Montel.
Басылымның мәліметінше, сатылатын көлемді бүкіл ел тұтынатын электр энергияның 7%-ымен салыстыруға болады. Аукцион үш жыл ішінде жарық беруді қамтиды.
"Біз өнеркәсіптік секторымыздың жаңартылатын энергия көздеріне көшуін қолдауға бағытталған құралды іске қосып жатырмыз", — деді Энергетика министрі
Джилберто Пикетто-Фратин бұған дейін.
Оның айтуынша, Үкіметтің шешімі энергияны көп қажет ететін компанияларды қолдап, оларға электр энергиясына арзан бағамен қол жеткізуге мүмкіндік береді.
Италияның Энергетика министрлігі қолдау бағдарламасы екіжақты келісімшарттар түрінде болатынын хабарлады. Арзан электр энергиясының орнына компаниялар кем дегенде 200 КВт жаңа жаңартылатын энергия көздерін салуға немесе 40 ай ішінде қолданыстағы электр энергиясын жаңартуға, содан кейін 20 жыл ішінде бірдей көлемдегі электр энергияны бастапқы төмендетілген бағамен МВт/сағ үшін 60 еуро бағамен сатуға міндеттенеді.
"Қазіргі уақытта МВт/сағ үшін шамамен 125 еуроны құрайтын Италиядағы электр энергиясының негізгі бағасы – елдің электр энергиясын өндіру үшін газға қатты тәуелділігіне байланысты Еуропадағы ең жоғары бағалардың бірі", – деп жазады Montel.
