Украинаның Премьер-Министрі Денис Шмыгал италиялық әріптесінен Украинаның НАТО-ға кіруіне қатысты келіссөздерде қолдау сұрады, деп жазады inbusiness.kz Euronews-ке сілтеме жасап.
"Бүгінгі шараға жүздеген италиялық әрі украиналық компаниялар мен ұйымдар қатысты. Конференцияның мақсаты - елді қалпына келтіруге қажеттінің барлығын анықтау, сонымен қатар белгілі бір секторларда италиялық ноу-хауды ұсыну", - деді Euronews тілшісі Джордж Орланди.
Аталмыш шара Италияның Украинаға ұсынатын көмек жоспарының бастамасы ғана. Бұл туралы баспасөз мәслихаты барысында Премьер-Министр Джордж Мелони еске салып, Италияның Украинаға қол ұшын созуы оның жеңісіне деген сенімділікті, сондай-ақ Украинаның ЕО-ға кіру процесіне қатысуды білдіретінін айтты.
Сондай-ақ, баспасөз мәслихатына қатысқан Украина Премьер-Министрі Италияға елді электр қуатымен қамтамасыз еткені үшін алғыс білдіретінін айтты. Дүниежүзілік банктің мәліметі бойынша, Украинаны қалыпқа келтіру үшін шамамен 400 миллиард еуро қажет болады.
