Италияның монополияға қарсы қызметі Amazon онлайн ритейлерін "нарықтағы үстемдігін асыра пайдаланды" деп айыптап, оған 1 миллиард 128 миллион еуро көлемінде айыппұл салды, деп хабарлайды Inbusiness.kz жергілікті БАҚ-қа сілтеме жасап.
Реттеушінің айтуынша, компания Италия нарығындағы абсолютті үстемдігін пайдаланып, интернет-сауда нарығының логистикалық саласында жұмыс істейтін басқа компанияларға орасан зиян келтірген.
"Осылайша Amazon өз бәсекелестерін шығынға батырып отыр. Олар ұсынып отырған қызмет сапасы Amazon-дікімен пара-пар", – деп жазылған реттеушінің мәлімдемесінде.
Монополияға қарсы қызмет өкілдері айыппұлдың мөлшерін Amazon компаниясының көлемін ескере отырып бекіткен. Бұзушылықтарды түзету процесін реттеушінің өз қадағалайтын болады.
Табиғат Нұрболат
Фото: gettyimages.com
