Халықаралық іздеу жарияланған әкімнің экс-орынбасары Қ.А. Сарытайдың Грузияда жасырынып жүргені анықталды, деп хабарлайды inbusiness.kz.
"Жамбыл облысы бойынша аумақтық департамент ҚР ҚК-нің 189-бабының 4-бөлігі 2-тармағының, 362-бабының 4-бөлігінің 3-тармағында көзделген сыбайлас жемқорлық қылмысын жасау күдігімен Тараз қаласы әкімінің бұрынғы орынбасары Қ.А. Сарытайға халықаралық іздеу жариялады. Халықаралық ынтымақтастық аясындағы жедел-іздестіру іс-шараларының нәтижесінде Грузияның құқық қорғау органдары Сыбайлас жемқорлыққа қарсы қызметпен және Қазақстан Республикасы ІІМ Интерпол ҰОБ-пен бірлесіп К.А.Сарытай Грузия аумағында ұсталып, қамауға алынды",- деп жазылған "Антикор" жаңалығында.
Қазіргі уақытта күдіктіні Қазақстан Республикасына экстрадициялау рәсімі жүзеге асырылуда.
