Израиль әскері Газадағы Әл-Шифа ауруханасының директорын қамауға алды. Бұл туралы Газа денсаулық сақтау министрлігі мәлімдеді, деп хабарлайды Inbusiness.kz сайты.
Газа денсаулық сақтау министрлігінің өкілі Газадағы ең үлкен аурухананың директорын Израиль күштері тұтқындады, деп мәлімдеді.
Сондай-ақ аурухана өкілі Ашраф әл-Кидра Әл-Шифа ауруханасының директоры Мұхаммед Әбу Салмиямен бірге басқа дәрігерлер қамауға алынғанын айтты.
Әбу Салмия Дүниежүзілік денсаулық сақтау ұйымының кортежімен эвакуациялау кезінде тұтқындалған.
Израиль әскерилері аурухана директорыннан жауап алатындарын мәлімдеген.
"Ол үнемі ауруханада туннель жоқ деп келді. Бас директор қалайша ауруханадағы туннель жүйесін білмейді?", - деді CNN тілшісімен тілдескен подполковник Питер Лернер.
