Израиль әскери бұғатталған Газа секторының айналасындағы еврей қоныстарын бақылауды қолға алды. Бұл туралы Израиль армиясының ресми өкілі Даниэль Хагари хабарлады, деп жазады inbusiness.kz.
Оның айтуынша, бұл жерлерде қақтығыс әлі тоқтаған жоқ. Сондықтан онда қарулы палестиналықтар болуы әбден мүмкін екенін атап өтті.
Ол армия Газа шекарасында танктерді, тікұшақтарды мен авиацияны орнататынын айтты.
Хагари Газа секторының айналасындағы 24 қаланың 15-інде тұратын халық қауіпсіз жерлерге жеткізілгенін және эвакуация күні бойы жалғасатынын хабарлады. Оның айтуынша, Сдерот аймағының ең ірі қаласы эвакуацияланбайды.
Израиль армиясының өкілі 7 қазаннан бастап Газа секторынан израиль аумағы арқылы 4400 зымыран атылғанын хабарлады. Израиль армиясы Газа секторында жағдай ушыққан сәтте, 48 сағат ішінде 300 мың адамды жұмылдырып үлгерген.
