Израиль әскері Газада ХАМАС-тың ірі туннелін тапқандарын мәлімдеді. Туннель Израиль шекарасы маңында оранласқан, деп хабарлайды Inbusiness.kz сайты.
Мәлімдемеде туннельдің "Эрез" бақылау-өткізу бекетінен небәрі 400 метр қашықтықта, 50 метр тереңдікте орналасқаны, ұзындығы 4 шақырымнан астам екені айтылған.
Туннельдің кейбір бөліктері үлкен көліктерді қабылдай алады. Туннельдің бірнеше тармақтары бар, энергетикалық және тазарту инфрақұрылымымен, сондай-ақ жарылыс есіктерімен жабдықталған. Қазіргі уақытта туннельдің Газа секторынан Израиль аумағына дейін созылатыны туралы ешқандай дәлел жоқ.
7 қазаннан бері Израиль армиясы Газа секторында палестиналық қарулы ұйымдарға тиесілі жүздеген туннельдерді тапты. Олардың көпшілігі темір бетоннан тұрғызылып, электр қуатымен, желдеткішпен, тазарту қондырғыларымен және коммуникациялармен жабдықталған.
