Шығыс Иерусалимдегі Әл-Ақса мешітінің аумағында Израиль әскери күштерімен арадағы қақтығыс салдарынан зардап шеккен палестиналықтардың саны 90-ға жетті, деп хабарлайды inbusiness.kz палестиналық WAFA ақпараттық агенттігіне сілтеме жасап.
Агенттіктің мәліметінше, Израиль армиясының әскери қызметкерлері таңғы намаздан кейін Әл-Ақса мешітіне баса-көктеп кіріп, сондағы адамдарға оқ жаудырып, жарық-шу гранаталарын, көзді жасаурататын газы бар гранаталарды қолданған. Палестинадағы Қызыл Жарты Ай қоғамының медициналық бригадалары кем дегенде 67 адамға медицианалық көмек көрсеткені белгілі болды. Кейін зардап шеккендердің саны 90-ға жетіп, олардың 27-сі Иерусалим ауруханаларына жеткізілді.
Табиғат Нұрболат
Фото: apnews.com
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
