Израиль Газа секторында құрлықтағы операция басталғаннан бері армия ХАМАС-тың 130-дан астам үңгіржолдарын жойды деп мәлімдеді. Бұл туралы inbusiness сайты Euronews агенттігінің жаңалықтарына сілтеме жасап хабарлайды.
Әскерлер атап өткендей, туннельдерден табылған су мен оттегінің қорына қарап, содырлар жер астында ұзақ уақыт болуға дайын болды.
БҰҰ Бас хатшысы Антонио Гутерриштің айтуынша, Газада қаза тапқан бейбіт тұрғындар саны Израиль операциясында келеңсіз жағдайлардың айқын дәлелін көрсетеді. Гутерриш Израильдің ХАМАС-пен қақтығысы кезінде БҰҰ-ның 92 қызметкері қаза тапқанын мойындады.
ХАМАС бастаған Газа денсаулық сақтау министрлігінің мәліметі бойынша, Израильдің әскери науқаны 10 500-ден астам адамның өмірін қиды, олардың көпшілігі — балалар.
ЦАХАЛ-дың ресми өкілі Даниэль Хагари Газа секторының мыңдаған тұрғындары әскерилердің шақыруына жауап беріп, анклавтың оңтүстік аймақтарына бет алғанын мәлімдеді.
Адамдар Салах ад-Дин тас жолымен Газаның солтүстігінен оңтүстігіне қарай жүрді, және олардың қолында тек алып кетуге болатын заттар болды.
