Бұған Израильдің өз азаматтарына бұл елге тек уақытша сапарлауына рұқсат беруі түрткі болып отыр. Сауд Арабиясының Сыртқы істер министрі болса, израильдіктердің Израиль паспорты бойынша ел территориясына кіре алмайтынын мәлім етті. Бұл туралы CNN телеарнасы хабарлады.
Оның айтуынша, Сауд Арабиясының бұл мәселеге қатысты саясаты өзгеріссөз қалады. Сонымен қатар ол Сауд Арабиясының Израильмен ешқандай ресми қарым-қатынасы жоқ екенін және израильдіктер корольдікке қазірге уақытта кіре алмайтынын жеткізді. Және ол Таяу Шығыстағы араб елдерінің Израильге деген қарым-қатынасы Израиль мен Палестина арасындағы бейбіт келісім күшіне енгеннен кейін өзгеруі мүмкін екенін тілге тиек етті.
Айта кетейік, бұған дейін Израильдің Ішкі істер министрі израильдіктерге Сауд Арабиясына діни немесе бизнес жүргізу мақсатында небәрі 9 күнге баруына рұқсат берген болатын.
Табиғат Нұрболат
