Британиялық BP мен израильдік NewMed Energy кіретін компаниялар тобының құрамындағы Әзербайжан мемлекеттік мұнай компаниясы (SOCAR) Левиафан кен орнының солтүстік бөлігінде газ кен орындарын барлауға лицензия алды, деп хабарлайды Inbusiness.kz Израильдің Энергетика министрлігіне сілтеме жасап.
Ведомство хабарлағандай, жалпы алғанда, алты компанияға еврей мемлекетінің Жерорта теңізі жағалауында табиғи газды барлауға 12 лицензия берілді. Мұндай қадам бәсекелестікті арттыру және жеткізушілерді әртараптандыру мақсатында жасалды.
"Жеңімпаз компаниялар келесі үш жыл ішінде табиғи газды барлауға бұрын-соңды болмаған инвестиция салуға уәде берді, бұл жаңа табиғи газ кен орындарының ашылуына жол ашады деп үміттенеміз", — деді Израильдің Энергетика министрі Исраэль Кац.
Оның айтуынша, "дәл осы уақытта алып табиғи газ барлау компаниялары Израильдің тұрақтылығына сенім білдіріп, осында инвестиция салғысы келеді, осылайша нендей жағдай болмасын Израильдің энергетикалық қауіпсіздігі нығая түспек".
Лицензияның қолданылу мерзімі барлау жұмыстарының қарқындылығына қарай жеті жылға дейін ұзарту мүмкіндігімен үш жылды құрайды.
Осы жылдың шілдесінде SOCAR мен BP алғаш рет Жерорта теңізіндегі Израиль қайраңында табиғи газды барлауға лицензиялау тендеріне қатысқаны белгілі болды. Аталған компаниялар израильдік NewMed Energy компаниясымен бірге 16 шілдеде аяқталған лицензиялаудың төртінші раунды аясында екі теңіз блогын барлауға өтініш берді. Тендер жеңімпаздарын осы жылдың төртінші тоқсанында жариялауға уәде берілді.
Газа секторының айналасындағы қазіргі шиеленіс Әзербайжанды тығырыққа тіреп отыр. Кавказ Республикасы — Израильмен дипломатиялық қатынастан бөлек, ең тығыз әскери-саяси байланыстары бар бірнеше мұсылман елдерінің бірі. Тель-Авив соңғы жылдары Бакудің қару-жарақ пен әскери техниканың жетекші жеткізушісі болды, оның ішінде әскери сарапшылар 2020 жылдың күзінде Қарабақтағы 44 күндік соғыста ең үлкен Закавказье Республикасының жеңісіне шешуші үлес қосты деп есептеген соққы дрондары бар. Израиль өз кезегінде — Таяу Шығыстағы Әзербайжан мұнайының жетекші сатып алушысы. Кейбір мәліметтер бойынша. Израиль, тіпті, Әзербайжанның оңтүстік аймақтарында, Иранмен шекарада өзінің барлау нүктелерін құрып үлгерген.
