Газа қаласының солтүстік бөлігіндегі тұрғын үйге Израиль шабуылынан кейін кем дегенде сегіз адам қаза тауып, тағы бірнеше адам жарақат алды, деп хабарлайды inbusiness.kz сайты Al Jazeera агенттігіне сілтеме жасап.
"Кем дегенде сегіз адам, олардың көпшілігі балалар, қайтыс болды, ал тағы бірнеше адам Израильдің Газа қаласындағы тұрғын үйге жасаған шабуылынан жарақат алды", - делінген телеарнаның хабарламасында.
Агенттік хабарлауынша, тұрғын үй қаланың солтүстік бөлігіндегі Әл-Дарадж ауданында орналасқан.
Таяу Шығыстағы жағдай 7 қазанда Газа секторынан ХАМАС содырларының Израиль аумағына енуінен кейін күрт шиеленісіп, шекара маңындағы елді мекендердің тұрғындары өлтірілді және балалар, әйелдер мен қарттарды қоса алғанда 200-ден астам адам кепілге алынды. ХАМАС бұл шабуылды Израиль билігінің Иерусалимдегі әл-Ақса мешітіне қарсы әрекеттеріне жауап деп атады.
