Тегеран Дамаскіде генерал Мохаммад Реза Захедиді өлтіргені үшін кек алуға шешім қабылдаса, Израиль Иранның ядролық нысандарына соққы беру арқылы жауап қайтаруға дайын. Бұл туралы британдық The Sun басылымы батыстық қауіпсіздік агенттіктеріндегі дереккөздерге сілтеме жасап хабарлады, деп жазды ТАСС ақпарат агенттігі.
Басылымның атап өтуінше, Израильдің мұндай әрекеттері бүкіл Таяу Шығыс үшін болжауға болмайтын салдарға әкелуі мүмкін.
1 сәуірде SANA агенттігі Израиль әуе күштері Дамаск қаласындағы үйге соққы жасағанын хабарлады. Иран БАҚ елдің Сирия астанасындағы консулдық ғимараты атқыланғанын мәлімдеді. Ислам революциясы Сақшылар корпусының қоғаммен байланыс бөлімі жеті әскери кеңесші: генералдар Мохаммад Реза Захеди мен Мохаммад Хади Хаджи Рахимидің және тағы бес офицердің қаза тапқанын жария етті.
Иранның IRIB мемлекеттік телеарнасының хабарлауынша, Захеди Ливан мен Сириядағы ИРСК-ның "Әл Кудс" күштерінің бөлімшелерін басқарған.
Иранның рухани жетекшісі аятолла Әли Хаменеидің мәлімдеуінше, Тегеран Израильді соққы жасағаны үшін өкінетінін, ал президент Эбрахим Раиси шабуыл жауапсыз қалмайды деп уәде берді.
