Иерусалимде Израиль премьер-министрі Биньямин Нетаньяхуға қатысты сыбайлас жемқорлық бойынша сот процесі қайта жалғасты. Бұл туралы inbusiness.kz сайты DW телеарнасының жаңалықтарына сілтеме жасап хабарлайды.
Қазан айында ХАМАС содырлары Израильге шабуыл жасағаннан кейін сот ісі, сондай-ақ, барлық шұғыл емес істер тоқтатылды. Соғыс уақытындағы жағдайға байланысты тоқтата тұру мерзімі кеше аяқталды.
Үш жылдан астам уақытқа созылған сот процесінде Нетаньяху үш бөлек жағдай бойынша, соның ішінде алаяқтық, сенімге қиянат жасау және пара алуға қатысты айыпталған.
Атап айтқанда, премьер-министр Израильдің ең ірі телекоммуникациялық компаниясы "Безектің" мүддесін алға тартты деген күдікке ілінді.
Айыптаушы тараптың айтуынша, бұл Нетаньяхуға оқиғаларды көрсетуге әсер ету үшін Шауль Элович басқаратын "Wall" деп аталатын жаңалықтар порталының жұмысына араласуға мүмкіндік берді.
