Израиль әскері Дамаск қаласының маңына шабуыл жасап, салдарынан сириялық үш әскери ажал құшты. Бұл туралы SANA агенттігі хабарлады.
Тағы бір жауынгер жарақат алған. Ресми дерек бойынша, Сирияның әуе шабуылына қарсы қорғанышы бірнеше зымыранды құлатып түсірген. Шабуыл Голан шыңдары жағынан жасалған.
Израиль әскери зымыран шабуылын жасағанын мойындады. Яғни олар Иранның ислам төңкерісі күзетінің корпусына тиесілі "Әл-Кудс" күштерінің позициясы мен Сирияның қарулы күштеріне қарсы атыс ашқанын растады. Олардың мұндай қадамға баруына Сирия мен Израиль шекарасына жарылғыш заттың қойылуы, яғни қарсы тараптың шабуыл жасауға бекінуі түрткі болған.
Ескере кететін жайт, 1944 жылдан бері Сирияға тиесілі болып келген Голан шыңдарын Израиль 1967 жылы алты күнге созылған соғыс барысында басып алған еді. 1981 жылы ел парламенті "Голан шыңдары туралы" заң қабылдап, осы территорияны Израильдікі деп жариялады.
Табиғат Нұрболат
