23 қарашада Израильде 5 жастан 11 жасқа дейінгі балаларға COVID-19 дертіне қарсы жаппай вакциналау науқаны басталады, деп хабарлайды Inbusiness.kz жергілікті БАҚ-қа сілтеме жасап.
Осы уақытқа дейін емханалар мен жергілікті әкімшіліктерге 22 мың өтініш келіп түсті. 440 бала коронавирусқа қарсы екпе салдырды. Израиль Премьер-министрі Нафтали Беннеттің ұлы да вакцина ектіретіні жарияланды.
Вакциналауды толықтай жүргізу үшін елге Pfizer препаратының партиясы жеткізілді. 6 қарашада Коста-Рика бірінші болып балаларды коронавирусқа қарсы вакцинамен егуге міндеттеді. Қаулыны "балалар мен жасөспірімдердің мүдделерін қамтамасыз ету принципіне сәйкес" Ұлттық вакцинация және эпидемиология комиссиясы шығарды.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
