Оның айтуынша, Таяу Шығыстағы Израиль мен 2023 жылдың қазан айында осы мемлекетке шабуыл жасаған ХАМАС террористік ұйымы арасындағы әскери қақтығыста шешуші сәт келді, қазіргі жағдай Газа секторындағы атысты тоқтатуға және сол жерде ұсталған израильдік кепілге алынған адамдарды қайтаруға соңғы мүмкіндік болуы мүмкін, деп хабарлайды inbusiness.kz сайты.
Бұл пікірді АҚШ Мемлекеттік хатшысы Энтони Блинкен Тель-Авивтегі Израиль Президенті Ицхак Герцогпен сөйлескен кезде айтты. Бұл әңгіменің стенограммасы Мемлекеттік департамент сайтында жарияланған.
Блинкен Израильге бүгінгі сапары 2023 жылдың қазан айынан бастап санағанда тоғызыншы екенін және ол Тель-Авивке АҚШ президенті Джо Байденнің атысты тоқтату туралы "келісімге қол қоюға бағытталған қарқынды дипломатиялық талпынысының" бір бөлігі ретінде келгенін атап өтті.
