Бірқатар шетелдік авиакомпаниялар Израильдің бомбалауынан қорқып, Ливанға ұшуды тоқтатты. Бұл туралы Ливанның Сыртқы істер министрінің міндетін атқарушы Абдалла бу Хабиб хабарлады, деп жазады inbusiness.kz сайты.
"Бірнеше авиакомпания Израильдің шабуылынан қорқып, Ливанға ұшуды тоқтатты", – деп келтірді оның сөзін "Әл-Джазира" телеарнасы.
Сонымен қатар, оның айтуынша, АҚШ Ливаннан "Хезболланың" Израильдің кез келген шабуылына жауабын шектеуді" сұрады.
Бұған дейін Ливанның ұлттық әуе тасымалдаушысы Middle East Airlines (MEA) сенбі күнгі Голан биіктігіне шабуылдан кейін Израильдің Ливанға қарсы соққысы кезінде 28 шілдеде кешке 29 шілдеде таңертең елдің астанасы Бейрутқа бірнеше авиакомпанияның ұшуын кейінге қалдырғанын хабарлады.
Израиль Премьер-министрі Беньямин Нетаньяху Израиль сенбі күні кешке болған Голан биіктігіне қарсы шабуылды жауапсыз қалдырмайтынын айтты.
Сенбіде Израильдің жедел жәрдем қызметі Голан биіктігіне соққы кезінде 10 адам қаза тапты, кейінірек құрбан болғандар саны 12-ге дейін өсті деп хабарлады.
