DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 324,92 Brent 36,55
Қабанбай батыр даңғылының Есіл өзені көпірінен әуежайға дейінгі бөлігі жөнделеді

Қабанбай батыр даңғылының Есіл өзені көпірінен әуежайға дейінгі бөлігі жөнделеді

ҚР Индустрия және инфрақұрылымдық даму министрі Бейбіт Атамқұлов елорда үшін маңызды нысанның құрылыс науқанына дайындығын тексерді.   

23 Мамыр 2020 16:52 111

Қабанбай батыр даңғылының Есіл өзені көпірінен әуежайға дейінгі бөлігі жөнделеді

Нұр-Сұлтанда Есіл өзені көпірінен «Нұрсұлтан Назарбаев халықаралық әуежайына» дейінгі аралықтағы Қабанбай батыр даңғылын жаңарту жұмыстары ағымдағы жылдың 1 маусымында басталады, деп хабарлады ИИДМ баспасөз қызметі.

Жоба аясында жалпы ұзындығы 17,353 шақырымды құрайтын «Салтанат сарайы» мен «Нұрсұлтан Назарбаев халықаралық әуежайы» арасында жатқан Қабанбай батыр даңғылын 6-8 жолаққа дейін кеңейту көзделген. Бұдан бөлек, жаңарту жұмыстарынан өткен соң елордада Қабанбай батыр және Тұран даңғылдарының арасында көліктік торап пайда болады. Жоба көлік ағынын арттырып, аталған жолда жиі болып тұратын көлік кептелісін азайтуға септігін тигізеді.

Мердігер ұйым – China Xinxing Group Co., Ltd компаниясы мен «СП Сине Мидас Строй» ЖШС консорциумы. ТЭН авторы – «АстанаСтройПроектСервис-М» ЖШС. Келісім негізіндегі сома – 88 985,9 млн теңге. Жол ұзындығы – 17,353 шақырым.

inbusiness.kz-ті қараңыз, оқыңыз :

І тоқсанда 2 млн 642 мың шаршы метр тұрғын үй пайдалануға берілді

Республика бойынша барлығы 21 мыңнан астам баспана пайдалануға берілді, оның ішінде 10 мыңға жуығы – жеке тұрғын үйлер.

14 Сәуір 2020 10:31 127

І тоқсанда 2 млн 642 мың шаршы метр тұрғын үй пайдалануға берілді

2020 жылдың қаңтар-наурыз айлары бойынша елімізде құрылыс бойынша нақты көлем индексі 111,7% құрады. 16 өңірде оң динамика байқалады. Олардың ішінде Қарағанды (150,8%), Батыс Қазақстан (122,9%), Атырау (119,3%), Түркістан (118,5%) және Ақмола (117%) облыстары көш басында келеді. Тек Қызылорда облысында көрсеткіштің төмендеуі байқалады, деп хабарлады ИИДМ баспасөз қызметі.

Тұрғын үй құрылысы бойынша 2020 жылдың бірінші тоқсан қорытындысында 2 млн 642 мың шаршы метр тұрғын үй пайдалануға берілді. Ол 2019 жылдың ұқсас кезеңімен салыстырғанда 96,4 құрады. Жылдық жоспардың орындалуы 18,7% құрады (жоспар 14,1 млн шаршы метр).

Республика бойынша барлығы 21 мыңнан астам баспана пайдалануға берілді, оның ішінде 10 мыңға жуығы - жеке тұрғын үйлер.

Тұрғын үйді пайдалануға беру көлемінің ұлғаюы өткен жылмен салыстырғанда республиканың 12 өңірде байқалады. Көшбасшы өңірлер: Алматы (120,9%), Жамбыл (120,6%), Қарағанды (107%), Павлодар (105,8%) және Қостанай (105,4%) облыстары және Нұр-Сұлтан қаласы (108,8%).

Тұрғын үйді пайдалануға беру қарқыны 5 өңірде төмендеді: Батыс Қазақстан (57,5%), Атырау (66,6%), Түркістан (76,5%) және Маңғыстау (94,7%) облыстарында және Шымкент (24,3%) қаласында.

Бейбіт Атамқұлов президент болып сайланды

Бүгін Қазақстан шахмат федерациясының кезектен тыс құрылтайы өтті.  

31 Қаңтар 2020 20:39 164

Бейбіт Атамқұлов президент болып сайланды

Қазақстан шахмат федерациясына жаңа президент сайланды, деп хабарлайды федерацияның баспасөз қызметі.

Қазақстан шахмат федерациясының президенті қызметін 2015 жылдың шілде айынан бері Shakhmardan Yessenov Foundation ғылыми білім беру қорының құрылтайшысы және Алматы марафонының негізін қалаушы Ғалымжан Есенов атқарып келген болатын.

«Соңғы уақытта менің назарымды қажет ететін көптеген әлеуметтік жобалар пайда болды. Соның ішінде 2 спорт федерациясы мен ассоциациялар бар, сондықтан мен әріптестеріме шахмат федерациясының жаңа президентін сайлау туралы ұсыныс жасадым. Біз спортшылардың, жаттықтырушылардың, ұйымдастырушылардың және де менеджерлердің үздік командасын жинадық. Қазіргі таңда Қазақстан шахмат федерациясында барлық бизнес-үрдістер мен стандарттар жолға қойылған. Жаңа басшылықпен федерация алдағы уақытта да тамаша нәтижелер көрсетіп, жаңа белестерді бағындыратынына сенімдімін», – деп Ғалымжан Есенов .

Соңғы бес жылда әйелдер құрамасы командалық әлем чемпионатында бесінші және Дүниежүзілік шахмат олимпиадасында он бірінші орынға ие болды. Қазақстанда әлемнің ең үздік шахматшыларын жинаған ірі шахмат турнирлері өткізілді. Қазақстандық шахматшылар Азия чемпионаты, Азия ұлттары кубогы, Азия ойындары сынды ірі халықаралық турнирлерінде жеңімпаз және жүлдегер атанды.

«Ғалымжан Есенов басшылығымен осы уақыт ішінде шахмат федерациясы орасан зор жұмыстар атқарды. Шахматшыларымыздың қатары жаңа әлем чемпиондарымен толықты. Қазақстандық спортшылар халықаралық турнирлерден елімізге 202-ге жуық медаль алып келді», – деп ҚШФ атқарушы директоры Ирина Грищенко толықтырып өтті.

 

Жаңалықтарға жазылу: