Петропавлда қабырғасы құлаған үйдің тұрғындарына баспана кезектен тыс берілетін болды, деп хабарлайды 24.kz.
Қазір қала әкімінің тапсырмасы бойынша арнайы комиссия құрылды.
Естеріңізге сала кетейік, оқыс оқиға 21-сәуір күні болған. Апаттық жағдайдағы екі қабатты ескі үйдің қасбеті опырылып құлаған еді. Зардап шеккендер жоқ. Алайда 3 отбасы жалдамалы пәтерге жайғастырылды. Енді олар тиісті құжаттарын жинап, комиссияға тапсыруға тиіс.
Жалпы қала бойынша тұрғын үйлері апаттық деп танылған 200-ге жуық адам кезекте тұр.
"Бір отбасы құжатсыз тұрған. Яғни пәтердің иесі жоқ. Ал қалған екі жанұя кезекте тұр. Комиссия осы мәселелерді ескеріп, нақты шешім шығарады. Бұл сұрақ бір айда шешіледі", - дейді қала әкімінің орынбасары Евгений Глотов.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
