2020 жылы ел кәсіпорындары атмосфераға 2,4 млн тонна ластаушы заттар шығарды. Былтырғы жылмен салыстырғанда бұл 1,7%-ға төмен, деп хабардайды inbusiness.kz.
Өңірлер бойынша шығарындылардың ең көп мөлшері Павлодар облысының кәсіпорындарына тиесілі: 723 мың тонна, + 0,2%. Өнеркәсіптік Қарағанды және Атырау облыстары да нашар көрсеткіштер бойынша алда тұрған үш облыстың қатарына кірді: сәйкесінше 627,7 мың және 154 мың тонна. Осы үш аймаққа жалпы шығарындылар көлемінің 61,6%-ы тиесілі.
Салалар бойынша шығарындылардың көп бөлігі немесе 86,6% өнеркәсіптік кәсіпорындардан шығарылады: 2,1 млн тонна – бір жыл бұрынғыға қарағанда 0,9%-ға аз. Оның 944,5 мың тоннасы электрмен және жылумен жабдықтаушы кәсіпорындардың, 778,7 мың тоннасы өңдеуші кәсіпорындардың, 343,8 мың тоннасы тау-кен кәсіпорындарының, 45,8 мың тоннасы сумен жабдықтау, кәріз жүйесі және жинау мен бақылау кәсіпорындарының үлесінде.
Зиянды қалдықтардың тағы 6,9%-ы көлік және қойма кәсіпорындарына (106 мың тонна), сондай-ақ білім беру саласына (63,1 мың тонна) тиесілі.
Құралай Құдайберген
