ҚР Бас Прокурорының орынбасары Әсет Шындалиев белгілі кәсіпкер Қайрат Боранбаевқа қатысты пікір білдірді, деп жазады inbusiness.kz.
Тілшілер Сенат отырысынан кейінгі брифингте жазасы жеңілдетілген Қайрат Боранбаевтың бостандыққа шығу мерзімін нақтылауды сұрады.
"Қазіргі таңда соттың шешімі қабылданды. Сот шешімі заңды күшіне енген кезде шығады. Сіздерге нақты күнін айта алмаймын, есімде жоқ. Шамамен 15 күндей күту керек", - деді Бас прокуратура өкілі.
Спикерге "Яғни 1 аптадан кейін ол шығуы мүмкін бе?" деп қосымша сұрақ қойылды.
"Мүмкін", - деп қысқа қайырды Әсет Шындалиев.
Айта кету керек, осыған дейін белгілі кәсіпкер Қайрат Боранбаев түрмеден босатылатынын жазған болатынбыз.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
