/img/tv1.svg
RU KZ
«Қайрат» пен «Ордабасының» Еуропа лигасындағы қарсыластары белгілі болды

«Қайрат» пен «Ордабасының» Еуропа лигасындағы қарсыластары белгілі болды

«Қайрат» өз алаңында, «Ордабасы» сырт алаңда ойнайды.  

10 Тамыз 2020 20:22 122

 «Қайрат» пен «Ордабасының» Еуропа лигасындағы қарсыластары белгілі болды

УЕФА-ның Ньон қаласындағы штаб-пәтерінде өткен жеребе нәтижесі бойынша алматылық «Қайрат» Армениялық «Ноа» клубына қарсылас атанды, деп хабарлайды aladop.kz.

Жеңімпаз 27 тамызда «Қайрат» клубының алаңында өтетін бір матчтың нәтижесі бойынша анықталады. ⠀

Шымкенттік «Ордабасы» румыниялық «Ботошани» командасымен ойнайды. Матч 27 тамызда Румынияда өтеді. ⠀

Еуропа лигасының іріктеу ойындары көрермендерсіз өтеді. Қажет болса, қосымша уақыт тағайындалады және пенальти сериясы да болады.

 

Қазақстандық футбол клубтарына еурокубокқа қатысуға сертификат берілді

Қазақстан футбол федерациясының УЕФА Чемпиондар лигасы мен Еуропа лигасының қатысушыларын сертификациядан өткізу комиссиясының отырысы өтті.  

23 Маусым 2020 20:42 208

Қазақстандық футбол клубтары биылғы еурокубок жарыстарына қатысу үшін сертификат алды, деп хабарлайды Қазақстан футбол федерациясы.

Комиссия отырысы онлайн-конференция түрінде өтті.

Еуропалық жарыстарға қатысатын қазақстандық командалардың УЕФА-ның сертификация және қаржылық FAIR PLAY ережелерін орындауы ескеріліп, комиссия келесі шешімдерді қабылдады:

1. «Астана» футбол клубының (Нұр-Сұлтан) УЕФА Чемпиондар лигасының 2020-2021 жылғы маусымына қатысуға сертификат беру ;

2. «Қайрат» (Алматы), «Ордабасы» (Шымкент) және «Қайсар» (Қызылорда) футбол клубтары үшін УЕФА Еуропа 2020-2021 маусымына қатысуға сертификаттар беру;

3. «Астана» футбол клубы «Астана Арена» стадионын (Нұр-Сұлтан) қалпына келтіруді 2020 жылдың 15 шілдесіне дейін аяқтап, стадионның жасанды жамылғысын ФИФА аккредитациясы бар зертханадан сынақтан өткізуі тиіс.

4. «Қайсар» футбол клубы Ғани Мұратбаев атындағы стадионының (Қызылорда) жасанды жамылғысын ФИФА аккредитациясы бар зертханадан сынақтың қорытындысын 2020 жылдың 1 тамызына дейін тапсыруы керек.

Еуропалық жарыстарға қатысатын командалардың футбол алаңдарын сынақтан өткізу жыл сайын қарастырылған.

 

Ислам Бозбаев дзюдодан клубтар арасындағы еуропа лигасында жүлдеге ілікті

Турнирге әлемнің 22 мемлекетінен жалпы есебі 171 спортшы қатысты.  

18 Қараша 2019 12:43 326

Фото: olympic.kz

17 қараша күні Португалияның Одивелаш қаласында дзюдодан клубтар арасындағы Еуропа лигасы өтті. Аталған сынға қазақстандық Ислам Бозбаев гректің «Арис» клубы сапында татамиге шықты, деп хабарлайды Olympic.kz.

Нәтижесінде, Ислам Бозбаевтың командасы жүлделі үшінші орынға ие болды. Турнирде  Франция, Сербия, Портулагия, Грузия, Германия және Грекиядан 6 әйелдер және 11 ерлер командасы сынға түсті.

Турнирге әлемнің 22 мемлекетінен жалпы есебі 171 спортшы қатысты.