Алматы прокурорлары Қайрат Сатыбалдының ұлына тиесілі "Байсат" базарының бөлігін мемлекетке қайтарды, деп хабарлайды Inbusiness.kz сайты.
"17.01.2024 жылы Алматы қаласының Мамандандырылған ауданаралық экономикалық сотының "Алматы жылу" холдинг кешенінің (қазіргі "Байсат" базары) мүлкімен жасалған барлық мәмілелерді жарамсыз деп тану туралы шешімі заңды күшіне енді. Сотта қызмет бейінін сақтау және иеліктен шығаруға тыйым салу туралы шарттың талаптарын сақтамау бойынша міндетті сату шартынсыз 4 жыл бұрынғы мүлікті бағалау туралы өзекті емес есепті қолдануда көрсетілген кешенді заңсыз сату фактілері расталды", - делінген хабарламада.
Жалпы ауданы 4 221,4 м2 3 объектіден және 1,4 га жерден тұратын мүлік Бауыржан Нурсултанға (Қайрат Сатыбалды ұлы) тиесілі "ҚазГерСтрой бірлескен кәсіпорны" ЖШС және "Astana Finansial Group" ЖШС өзара үлестес компанияларының меншігінде болған.
Бұған дейін сотқа дейінгі тергеу аясында Қайрат Сатыбалды "Байсат" базарының басым бөлігін өз еркімен қайтарып бергені айтылған.
