/img/tv1.svg
RU KZ
Қайта өңдеу саласына субсидия беру шарттары жеңілдетілмек

Қайта өңдеу саласына субсидия беру шарттары жеңілдетілмек

Қаптама қалдықтарын жинауды жүзеге асыратын әрбір ұйым жинау көлемін жыл сайын 5-10%-ға өсіріп отыруға міндеттелді.

18 Қыркүйек 2020 14:47 293

Қайта өңдеу саласына субсидия беру шарттары жеңілдетілмек

2021 жылдан бастап Қазақстанда Өндірушілердің кеңейтілген міндеттемелері (ӨКМ) операторынан ақшалай төлемдер алу тәртібін оңайлату қарастырылады. Бұл туралы ҚР экология, геология және табиғи ресурстар вице-министрі Ахметжан Пірімқұлов пен ӨКМ Операторы Басқарма төрағасы Медет Құмарғалиев, салалық қауымдастықтар мен мамандандырылған кәсіпорын басшыларының қатысуымен өткен кеңейтілген салалық мәжілісте айтылды. 

Қаптама қалдықтарын жинау және қайта өңдеу саласының көрсеткіштерін талдау, сондай-ақ бизнестің өтініштерін қарау негізінде ӨКМ Операторының мамандары шағын және орта кәсіпкерлік субъектілерін қолдаудың қосымша тетіктерін әзірлеген. 

«Қалдық өңдеудегі жалпы республикалық көрсеткішке қол жеткізу үшін қаптама қалдықтарын жинауды жүзеге асыратын әрбір ұйым, жинау көлемін жыл сайын 5-10%-ға өсіріп отыру міндеттемелерін алады. Сонымен қатар түсетін өтінімдер бойынша (кемінде 20 келі) қайталама шикізат жинауды жүзеге асыратын болады», - деді «ӨКМ Операторы» ЖШС Басқарма төрағасы Медет Құмарғалиев.

Аталған шараларды жүзеге асыру кешенді түрде қалдықтармен жұмыс істеу саласының инвестициялық тартымдылығын арттыруға, қаптама қалдықтары мен автокомпоненттерді жинау географиясын кеңейтуге мүмкіндік береді және экологиялық мәселелерді шешуге ықпал етпек. 

2020 жылы қаптама қалдықтарын жинаудың жоспарлы көлемі 130 мың тонна, ал автокомпонент қалдықтары болса 102 мың тоннаны құрады.

Бұған қоса биыл Талдықорған, Ақтөбе, Семей, Өскемен қалаларының әкімдіктерімен ҚТҚ бөлек жинауды және сұрыптауды енгізу жобаларын жүзеге асыру бойынша жол картасына қол қойылған. 

ӨКМ Операторы тарапынан айтылған ұсыныстарды салалық мәжіліске
қатысушылар 2020 жылдың 1 қазанына дейін қарастыратынын жеткізді. 

Қазақстан Ресейден 42 млн долларға қағаз қалдығын сатып алған

Қазақстанда 160-тан астам қайта өңдеу кәсіпорны бар болғанымен, олар шикізат жетіспеушілігі себебінен толыққанды жұмыс істемей тұр. 

23 Қаңтар 2020 15:36 512

Кеңселерде экомәдениетті қалай қалыптастыруға болады. Бұл туралы экобоксты насихаттап жүрген «Eko Network» компаниясының жетекшісі Аида Бапахова айтып берді.

«Қазақстанның бірнеше қаласын қамтитын стартап жобаға бүгінгі күні 15 600-дей қызметкері бар сексеннен астам компания қосылды. Бұл адамдар өз жұмыс орнынан шыққан қалдықтарды ажыратып, өңдеуге жіберуде. Мақсатымыз – еліміздегі компанияларға эко мәдениет енгізу. Ол үшін бірінші кезекте қалдықтарды қалай сұрыптау керектігін үйретеміз. Содан кейін, жәшіктерді орнатамыз. Компаниялар қалдықтарын қалай сұрыптап жатқандығына тұрақты түрде мониторинг жасап отырамыз. Бүгінгі күні осы компаниялар 41 тоннадан астам қағаз, 3 тоннадан астам шыны, 2,6 тоннадай пластик қалдығын қайта өңдеуге өткізді. Егер қайта өңделген шикізатты кесілген ағаш санымен есептесек, бір жылдан сәл асатын уақыт аралығында экобокс пайдаланатын кеңсе қызметкерлері 413 ағашты кесілуден сақтап қалды. Осылайша, қалдықтарды қайта өңдеу арқылы ағаштар сақталып қалуда», – деді.

Аида Бапахова кеңселерге осындай экологиялық мәдениет егізу арқылы экологияны сақтап қалуға болатынына ерекше тоқталды.

«Статистикалық мәліметтерге көз жүгіртсек, Қазақстан 18 жыл ішінде Ресейден 42 млн доллардан астам қаражатқа қағаз қалдықтарын сатып алған. Біздің қағаз өңдеуші кәсіпорындарымыз шикізатты шетелден сатып алуларына тура келді. Өйткені біз қалдықтарды жинамаймыз. Ресми мәліметтер бойынша, бүгінгі күні Қазақстанда 160-тан астам қайта өңдеу кәсіпорыны жұмыс істеуп тұр. Олар шикізат жетіспеушілігі себебінен толыққанды жұмыс істей алмауда. Ал шикізат қоқыс полигонына түскеннен кейін қайта өңдеу қиын. Жұмысшылар құмыраны қоқыстан шығарып, жумайды. Қағаз да ластанады. Сондықтан да, бүгінгі күні экомәдениет қалыптастыру аса қажет», – деді Eko Network жетекшісі.

Нұржан Көшкін

Қазақстанда алғаш рет қалдықтар биржасы ашылды

Бұл қалдық шығарушылар мен қайта өңдеушілерді байланыстыратын алаң болмақ. 

12 Қараша 2019 07:20 817

Елімізде тұңғыш рет түрлі қалдықты  сатып алуға, сатуға мүмкіндік беретін бірыңғай алаң ашылды. Платформа Қазақстандағы қалдықтарды қайта өңдеу саласының дамуына және басқаруға әсер етпек. 

Биржаның негізгі идеясы – Қазақстан мен ТМД елдерінде қоқысты сатушылар мен сатып алушыларға қолайлы жағдай жасау. 

Электронды алаңды Қазақстандық «KazWaste» қалдықтарды басқару қауымдастығы іске қосты.

Биржа сайтында кез-келген адам тегін хабарландыру орната алады. Ол үшін сайтқа тіркеліп, қалдық көлемін, бағасын, мекен-жайын көрсетіп, суретін жүктеу керек. Хабарландыру басты беттегі «Жедел ұсыныс» бөлімінде жарияланып, іздеген адамға бірден көрінеді. Сондай-ақ, сайтта хабарландыруды қоқыс түріне қарай жіктеп көрсетуге болады.

Қазірдің өзінде сайтта екінші деңглейлі шикізатты сатып алуға дайын өңдеуші компаниялар тіркелген. Келесі жылы қолданушыларға ыңғайлы болуы үшін ұялы қосымша іске қосылмақ. 

«Қазіргі кезде екінші деңгейлі шикізат сұранысқа ие. Жыл сайын арнайы кәсіпорындарға жиналатын шикізат көлемі артып келеді. Мұнда бастысы қоқыс полигондарда қалып кетпей, қайта өңдеуге жіберілгені. Сондықтан соңғы жылдары арнайы алаң ашып, қалдық шығарушалыр мен қайта өңдеушілер арасын байланыстыру қажеттілігі туындаған еді», - дейді  «KazWaste» қауымдастығының қалдықтарды басқару жөніндегі маманы Айжан Рысқұлова.

Құралай Құдайберген