"Министр Ерлан Тұрғымбаев курсанттың қаза болуына байланысты кешенді тексеру жүргізіліп жатқан Мақан Есболатов атындағы Алматы академиясына барды.
Тексерістің алдын ала нәтижелері туралы ведомство басшысына арнайы топ басшысы – ІІМ кадр саясаты департаментінің бастығы Айдар Сайтбеков баяндады. Оның айтуынша, оқу орнының тұрмыстық жағдайы, материалдық-техникалық жабдықталуы ғана емес, оқытушылар мен курсанттар арасындағы моральдық-психологиялық ахуал да зерделеніп жатыр. Ақша жинауға қатысты өрескел бұзушылықтар анықталмаған. Курсанттардың туыстарының оқу орнындағы қысым туралы хабарламалары қаралып жатыр" – деді Нұрділдә Ораз.
ІІМ кадр саясаты департаментінің бастығы Айдар Сайтбековтің сөзінше,
курсанттың өліміне қатысты кешенді тексеру барысында әлеуметтік зерттеу жүргізілген.
"Өтегеновтің өзінің курстастарынан түрлі сомада жиі қарыз алғаны, сондай-ақ букмекерлік конторада онлайн ақша тіккені анықталды. Қазіргі кезде ата-анасының уәжі, сондай-ақ академиядағы оқу-тәрбие үдерісі, ұжымдағы моральдық-психологиялық жағдай тексеріліп жатыр. Тексеріс барысын министр жеке бақылауына алды. Ол академияға барып, Өтегеновтың қатарластарымен, оқытушылар құрамымен кездесті", – деді Айдар Сайтбеков.
Естеріңізде болса, бұған дейін Мақан Есболатов атындағы ІІМ Алматы академиясының курсанты Саламат Өтегеновтің қайтыс болуына байланысты Алматы қаласының полиция департаменті ҚР ҚК-нің 105-бабы (өз-өзіне қол жұмсауға жеткізу) бойынша сотқа дейінгі тергеу жұмысын бастады.
Курсанттың өлімінен кейін Алматы академиясының бастығы қызметінен кетті.
Қанат Махамбет
