Сондай-ақ 500-ден астам отбасы азық-түлік себеттерін алды.
Қарағанды облысына жұмыс сапарымен Қазақстанның Бас мүфти Наурызбай-қажы Тағанұлы барды. Ол "Әнет баба" мешіті мен "Зекет және қайырымдылық" қорының қайырымдылық акцияларына,сондай-ақ MUNARA TV телеарнасының филиалы мен мешіт жанындағы отбасылық-консультативтік орталықтың ашылуына қатысты.
– Қазақстан мұсылмандарының діни басқармасы биылғы жылды діни сауаттылық аясында "Ислам және ізгі қоғам" деп жариялады. "Әнет баба" мешітінде биыл некеге тұрған жас отбасылармен кездесу өтті. Біз олармен отбасылық құндылықтар туралы сөйлестік. Сондай-ақ, біздің басқарма үлкен қайырымдылық жұмыстарын жүргізуде. Бұл "Ел үлесі патерге" акциясы бойынша аз қамтылғандарға пәтер кілттерін табыстау және азаматтарды емдеуге қолдау көрсететін "Өмірге үміт сыйла" жобасы, – деді Бас мүфти Наурызбай қажы Тағанұлы.
"Ел үлесі патерге" акциясы аясында төрт бөлмелі пәтердің кілті Құрманғазы Жүнісовке табысталды. Ол 10 жылдан бері мешітте аула сыпырушы болып жұмыс істейді.
– Біздің "Зекет және қайырымдылық" қоры мұқтаждардың мәселелерін шешуге белсенді қатысады. Әрине, біз демеушілердің көмегімен қуаныш сыйлаймыз.
Мәселен, Қарағанды облысының бес отбасы емделуге қаражат алды. Сондай-ақ, біз Құрманғазы Жүнісов үшін Сұрыптау шағын ауданынан пәтер сатып алдық. Бұл жыл басынан бері сыйға тартқан екінші пәтер, – дейді "Зекет және қайырымдылық" қорының Қарағанды облысындағы жауапты өкілі Мирас Ерланұлы.
Рамазан айында көпбалалы отбасына баспана берілді. Жазда тағы төрт пәтердің кілтін табыстауды жоспарлануда. Өткен жылы Қарағанды облысында біз 11 пәтер сыйға тартылды.
Қаңтар айынан бастап 3 мыңнан астам отбасы азық-түлік себеттерін алды.
