"Астана ЭКСПО-2017" ұлттық компаниясы мерекелік акция жариялады. Соған сәйкес, Астана күніне орай шілденің 1-і мен 10-ы аралығында тегін билеттер таратылады. Ол үшін Астана тұрғындары мен қонақтары көрмеге үш билет сатып алуы тиіс. Сонда төртіншісі тегін беріледі. Сондай-ақ, демалыс күндері 17 жасқа толмаған балалар мен жасөспірімдер көрмеге тегін кіре алады. Ол үшін жеке төлқұжатты көрсету керек және 12 жасқа дейінгі балалардың қасында ата-анасының бірі болуы шарт. Айта кетейік, "Астана ЭКСПО-2017" ұлттық компаниясы бағасы арзан билеттерді де сатылымға шығарды. Онымен кешкі сағат 18:30-дан бастап кіруге болады. Ал арнайы абонементті сатып алған адам, ЭКСПО аяқталғанша көрме аймағына емін-еркін кіріп-шыға алады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
