"Маңғыстаумұнайгаз" акционерлік қоғамына тиесі Қаламқас кенішінде құбырдан мұнай ағып, арнайы комиссия құрылған болатын. Мұнай компаниясының жұртшылықпен байланыс бөлімі таратқан ақпаратқа сенсек, №65-топтық қондырғы аумағы 99% тазартылса, №41 топтық қондырғы учаскесінде ластанған аумақты тазалау жұмыстары әлі жалғасуда.
"Мұнай қалдықтары "ЭкоОйлСерви" ЖШС-нің күшімен шығарылып, одан әрі өңделуде. 2020 жылдың 10-16 ақпан аралығында 486 тоннадан астам қалдық шығарылды", – делінген компанияның ақпаратында.
Осы оқиғаға байланысты құрылған комиссия құрамына экологтар мен өндіріс мамандары кірді. Еске салсақ, 8 ақпанда Қаламқас кен орнындағы шыны-пластик құбырдан мұнай ағып, шикізат тасымалы резервтік құбырға ауыстырылған болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
