Қаңтар айындағы жаппай тәртіпсіздіктер кезіндегі ұрланған қаруларды табу мақсатында қолға алған жедел-іздестіру жұмыстары әлі де жалғасуда. Үй ауласында жерге көмулі жатқан суық қаруларды полиция қызметкерлері 10-нан 11 ақпанға қараған түнгі іздестіру жұмыстары барысында тапқан.
Өз кінәсін мойындаған 19 жастағы азаматтың ауласынан "Калашников" маркалы бір бірлік автомат, үш травматикалық газ тапаншасы, автоматқа арналған 76 патрон және тегіс ұңғылы аңшылық қаруға арналған 26 патрон табылып, тәркіленді.
Қазір осы дерекке қатысты Қазақстан Республикасы Қылмыстық кодексінің 287-бабы 3-бөлігі бойынша сотқа дейінгі тергеу амалдары басталды. Сонымен қатар сот-баллистикалық сараптамасы тағайындалды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
