/img/tv1.svg
RU KZ
Қалмұханбет Қасымов инспекторға неліктен дер кезінде көмек берілмегенін түсіндірді

Қалмұханбет Қасымов инспекторға неліктен дер кезінде көмек берілмегенін түсіндірді

Браконьерлермен қақтығыста ауыр жарақат алған «Охотзоопром» ӨБ» РМҚК инспекторы Ерлан Нұрғалиев 15 қаңтарда қайтыс болған еді.

17 Қаңтар 2019 11:37 495

Қалмұханбет Қасымов инспекторға неліктен дер кезінде көмек берілмегенін түсіндірді

ҚР ішкі істер министрі Қалмұханбет Қасымов жарақат алған «Охотзоопром» инспекторын  құтқаруға неліктен көп уақыт кеткенін түсіндірді, деп хабарлайды ҚазАқпарат.

Айта кетейік, БАҚ-та жарақат алған инспекторды ауруханаға жеткізуге көп уақыт кетті деген ақпарат тараған болатын. Осы орайда тілшілер тарапынан «табиғат қорғау инспекторларын ауруханаға авиациямен неге тасымалдамады?» деген сауал қойылды.

«Қылмыскерлер оқиға орнынан қашқан кезде инспектор көлігінің кілтін алып кеткен және олардан новигаторды тартып алған. Сондықтан инспекторлардың екінші көлігі жарақат алғандарды бірден таба алмады. Осы орайда соққыға жығылған инспекторды ауруханаға жеткізгенше, біраз уақыт кетті. Күн райына байланысты тікұшақты әуеге көтере алмадық. Яғни ТЖ тікұшағын пайдалана алмадық, себебі қолайсыз ауа райына байланысты бізге рұқсат берілмеді», – деді министр.

Оның сөзіне қарағанда, Қарағанды облысында «Охотзоопром» инспекторының өліміне қатысты адам өлтіру бабы бойынша қылмыстық іс қозғалды.

Еске сала кетсек, министр бұл қылмысқа қатысты деген күдікпен Қызылорда облысының тумалары іздестіріліп жатқанын мәлім еткен болатын. 

Бұдан бұрын хабарланғандай, осыдан бірнеше күн бұрын 5 киік атқан браконьерлермен қақтығыста ауыр жарақат алған «Охотзоопром» ӨБ» РМҚК инспекторы Ерлан Нұрғалиев 15 қаңтарда қайтыс болған еді.

Үш елік атқан күдікті қолға түсті

Қолға түскен Қызылжар ауданының тұрғыны еліктерді Смирнов мемлекеттік табиғи қорығынан атып алыпты.

13 Ақпан 2019 12:20 728

Солтүстік Қазақстандық полицейлер үш елікті заңсыз атқан күдіктіні қолға түсірді. Бұл туралы облыстық полиция департаментінің баспасөз қызметіне сілтемемен 24.kz хабарлайды.

Жабайы жануарларды Смирнов мемлекеттік табиғи қорығынан Қызылжар ауданының 33 жастағы тұрғыны атып алған. Қазір аталған фактіге қатысты қылмыстық іс қозғалды. Ол 160 АЕК көлемінде мемлекетке айыппұл төлейді не болмаса 45 тәулікке қамалуы мүмкін.

Инспектордың өліміне қатысты күдіктілер ұсталды

Браконьерлермен қақтығыста ауыр жарақат алған «Охотзоопром» ӨБ» РМҚК инспекторы Ерлан Нұрғалиев 15 қаңтарда Астананың №1 ауруханасында қайтыс болған еді. 

21 Қаңтар 2019 11:43 800

Қарағанды облысындағы инспектор Ерлан Нұрғалиевтің өліміне қатысты күдіктілер ұсталды. 

Қазіргі уақытта тергеу амалдары жүргізіліп жатыр. Күдіктілердің үшеуі де уақытша оқшаулағышқа қамалған. Сотқа дейінгі тергеу амалдары жалғасуда.