Мұндай құбылыс 60 жылда бірінші рет тіркеліп отырып, деп хабарлайды Inbusiness.kz РҒА Қиыр шығыс бөлімшесінің вулканология институтының баспасөз қызметіне сілтеме жасап.
"Шивелучқа ең жақын орналасқан елді мекен - Ключи кентінде мұндай көлемде күлдің түсуі соңғы рет 1964 жылы тіркелген. Қазір оның қалыңдығы шамамен 8,5 см жеткен", - деп хабарлады РҒА ҚШБ вулканология және сейсмология институтының директоры Алексей Озеров.
Күл Шивелучтан солтүстік-батысқа қарай 500 шақырымға созылып, ары қарай таралып жатыр. Қазір Ключи мен Козыревск ауылдарын күл басты. Милковский, Тигиль, Елизовский, Быстрин аудандарында және Петропавл-Камчатскіде де тура сол құбылыс қайталануы мүмкін.
Ауа-райының қолайсыздығына байланысты жанартауды бейнебақылау қиын болып тұр (мұнда циклонның әсері жалғасуда, қар жауып, боран соғуда).
