Канада құрамасы Германияны жеңіп, шайбалы хоккейден 2023 жылғы әлем чемпионы болды, деп хабарлайды inbusiness.kz.
Тампередегі Nokia Arena аренасында өткен финалдық кездесуде әлемнің 27 дүркін чемпиондары Германияны 5:2 есебімен жеңді. Канадалықтардың қақпасына Блез (екі рет), Краузе, Тоффоли және Лотон гол соқса, немістерге Петерка мен Фишбух гол соқты. Соңғы рет Канада екі жыл бұрын әлем чемпионатын жеңіп алған болатын.
Ал, тарихта тұңғыш рет турнир қожайындарының бірі Латвия құрамасы чемпионаттың қола жүлдегері атанды. Олар АҚШ құрамасын 4:3 есебімен ұтты, латыштар қосымша уақытта жеңіс голын соқты. Келесі әлем чемпионаты бір жылдан кейін Чехияда өтеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
