Канадада Торонто әуежайында Delta Air Lines ұшағы апатты жағдайда қонды. Әуе кемесі аударылып қалды, деп хабарлайды inbusiness.kz сайты ABC News-ке сілтеме жасап.
Ұшақ Торонтоға Миннеаполис қаласынан ұшып келген. Апат салдарынан 76 жолаушы мен төрт экипаж мүшесі эвакуацияланды.
Әуежайдың ресми мәліметіне сәйкес, 18 жолаушы зардап шеккен. Оның ішінде үш адам – бір бала, 60 жастағы ер адам және 40 жастағы әйел ауыр жарақат алған. Қаза тапқандар туралы ақпарат жоқ.
Ұшақтың аударылып өртенуінің себебі әлі белгісіз. Тергеу амалдары басталған.
Осы жағдайдан кейін Торонто әуежайы уақытша рейстерді шектеді, екі қону алаңы жабық тұр. Сарапшылар апаттың қарлы боран мен күшті желдің әсерінен болуы мүмкін екенін айтады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
