Канадада Британиялық Колумбияның батыс провинциясында 719 адам аптап ыстықтан қайтыс болды, деп хабарлайды Inbusiness.kz провинцияның бас сот-медициналық сарапшысы Лиза Лапойнтқа сілтеме жасап.
Оның айтуынша, соңғы аптада полиция Британиялық Колумбияның әртүрлі аймақтарында азаматтардың кенеттен қайтыс болуының 719 жағдайын тіркеді. Мамандар олардың өліміне ауа температурасының тым жоғары болуы себеп болған деп отыр. Қайтыс болғандардың басым бөлігі – зейнеткерлер.
30 маусымда провинциясының бірқатар қаласында жүзден астам адам аптап ыстықтан қайтыс болғаны хабарланған еді. 29 маусымда Литтон қаласында рекордтық жоғары температура тіркелді,сынап бағанасы 49,6 градусқа дейін жеткен. 1 маусымда орманды қызыл жалын шалып, салдарынан қаланың 90%-ы өртке оранған болатын. Мыңдаған адам шаһардан көшіп, екі адам қаза тапты.
Табиғат Нұрболат
