Астанада өткен General Electric конференциясында энергетика министрі Қанат Бозымбаев Қазақстан "газ дәуіріне" қалай келетіні жайлы айтып берді, деп хабарлайды 7kun.kz.
Оның айтуынша, қазақстандық газ экспорты ең тиімді саналатын аймақ — Қытай нарығы.
"Сіздер білесіздер, біздің Қытайға экспорттау үшін тамаша мүмкіндіктеріміз бар - төзімді құбыр жүйесі, мысалы. Күзде ол жаққа газ жеткізу үшін Қытай тарапымен барлық келісімдерді жасадық. Болашақта бұл үздіксіз процеске айналады деп сенемін", — деді Қанат Бозымбаев.
Ал ішкі нарыққа келер болсақ, энергетика министрлігінің мәліметінше, 2030 жылға қарай халықты газбен қамту 56 пайызға жетіп, 8,5 миллион адамды құрайды. Соңғы 7 жылда қазақстандықтардың газды тұтынуы екі есеге артқан.
"Осылайша, 2030 жылға қарай біз 18-20 млрд текше метр газ пайдаланатын боламыз", — деді Бозымбаев.
