Орта салмақта жұдырықтасатын қазақстандық боксшы Қанат Ислам (25-0, 20 КО) рингке оралатынын құлақтандырды, деп хабарлайды Vesti.kz.
Боксшы Instagram желісінде жаттығуларын түсірген видеоны жариялады.
"Құрметті менің жанкүйерлерім, алда болатын үлкен жекпе-жекке дайын болыңыздар. Алға, Қазақстан!" – дейді боксшы роликте.
34 жастағы Қанат Ислам 2017 жылдың 9 қыркүйегінде жұдырықтасқан, ол кезде алғашқы орта салмақта WBO NABO және WBA-NABA белбеулері үшін Астанада канадалық Брэндон Кукты (20-2, 13 КО) нокаутқа түсірген.
2018 жылы боксшы АҚШ-қа барып, белгілі менеджер Эгис Климаспен келісімшартқа қол қойды. Боксшы Америкада жекпе-жек өткізуді жоспарлаған, алайда, аяғын жарақаттап алған болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
