Қандасымыз Қытайда өткен марафонда жеңіске жетті

709

Қандасымыз Қытайда өткен марафонда жеңіске жетті

Жақында Қытайдың Тиян Жин қаласында бүкіл мемлекеттік марафон болып өтті. Биыл 13-ші рет өткізіліп отырған айтулы марафонды қытайдың "CCTV" телеарнасы тікелей таратты.

Аталған шара кезінде қытайдағы қандастарымыздың "Уичат" әлеуметтік желісі сүйіншілі хабарға толды. 42 шақырымдық ұзақ марафонда Қасымхан атты қазақтың желаяғы қола жүлдеге қол жеткізіпті!

"Kazakh" уичат текшесі жазған мәліметке сүйенсек, бұл – ұзаққа жүгіру спорт түрі бойынша (қытай, ұйғыр, қазағы... бар) бүкіл Шыңжаң спортшылары қол жеткезген ең жоғары нәтиже болып тіркелген екен. Сөйтіп, қытайдағы қазақ жігіті Шыңжаң марафоншыларының көшін бастады.

28 жастағы Қасымхан 42 шақырымдық қашықтықты 2 сағат 20 минуд, 22 секундта жүгіріп өткен. "Қасымхан бұған дейін, 2015 жылы Қытайдың Чұң Чиің қаласында өткен марафонда үздік нәтижеге қол жеткізсе, 2016 жылы Хиюанда өткен халықаралық марафонда кениялық жүйрікті басып озып бірінші орынды жеңіп алған", деп жазды "Kazakh" уичат текшесі.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу