DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 286,33 Brent 36,55
«Канело»: Головкинмен шығу жақсы бизнес

«Канело»: Головкинмен шығу жақсы бизнес

Мексикалық боксшы Сауль Альварес қазақстандық Геннадий Головкинмен үшінші айқастың шарттарын қарастыруға дайын екенін мәлімдеді.  

12 Қазан 2019 10:41 385

«Канело»: Головкинмен шығу жақсы бизнес

Сауль Альварес сұхбат барысында бизнес тұрғысындағы пайдаға көңіл бөлетінін ескертті, деп хабарлайды Sports.kz .

«Головкин мен үшін сұсты қарсылас еместігін бұған дейін айтқан болатынмын. Дегенмен, бұл жекпе-жек – жақсы бизнес. Сондықтан, олар маған шынымен де жақсы ұсыныс жасаса, үшінші айқас өтуі мүмкін», – деді «Канело».

inbusiness.kz-ті қараңыз, оқыңыз :

«Канело» Головкинмен үшінші рет айқасуы ықтимал

Журналист Дэн Эмброуз Головкин қомақты қаржы тіксе Сауль Альварес келісуі мүмкін екенін айтады.  

10 Желтоқсан 2019 23:32 131

«Канело» Головкинмен үшінші рет айқасуы ықтимал

Boxingnews24.com порталының журналисі Дэн Эмброуздың пікірінше, мексикалық боксшы Сауль Альварес қазақстандық Геннадий Головкинмен үшінші жекпе-жек үшін DAZN платформасынан көбірек ақша дәметіп отыр, деп хабарлайды ҚазАқпарат Sports.kz сілтеме жасап.

«Өкінішке орай, «Канело» Головкинмен үшінші рет кездесуді түпкілікті шешкен жоқ. Бірақ бұған дейін мексикалық оған қаржылай жағынан мәміле жасау жайлы ұсыныс түссе, онда оны қарастыратындығын бірнеше рет мәлімдеген еді.

Мұның астарында не жатқаны беймәлім. Ол DAZN-мен 365 миллион долларға мәміле жасаған болатын. Альварес мүмкін платформа оған Головкинмен үшінші жекпе-жекке тағы да қосымша қаржы береді деген ойда ма?  Бәлкім, DAZN өздерінің мексикалыққа төлеген ақшасы Геннадиймен үшінші айқасқа жетіп артылады деп шамалаған шығар», –  деп есептейді Эмброуз.

Арман Оспанов Алексей Полпудниковтан жеңілді

Олардың жекпе-жегі 27 қыркүйекте Мәскеу қаласындағы «ВТБ Аренасында» Absolute Championship Akhmat 99 турнирі аясында өтті.

28 Қыркүйек 2019 14:56 503

Арман Оспанов Алексей Полпудниковтан жеңілді

Қазақстандық файтер Арман Оспанов Алексей Полпудниковпен үшінші кездесуде мерзімінен бұрын жеңіліс тапты, деп хабарлайды Vesti.kz.

Олардың жекпе-жегі 27 қыркүйекте Мәскеу қаласындағы «ВТБ Аренасында» Absolute Championship Akhmat 99 турнирі аясында өтті. Екінші раундта Полпудников қазақстандық спортшыны есеңгіретіп, кездесудің нүктесін қоюға асықты. Осы кезде рефери Херб Дин жекпе-жекті тоқтатты. 

ММА-да тоғыз рет жеңіске жеткен 29 жастағы Оспанов осымен үшінші рет жеңілді, ал оның 27 жастағы қарсыласы 28-ші жеңісіне қол жеткізіп, екі рет жеңіліп, бір рет тең түскен. 

Оспанов пен Полпудников бірінші рет 2013 жылы тамызда октагонда кездесіп, қазақстандық файтер бірінші раундта нокаутпен жеңген еді. 2017 жылы желтоқсанда реванш өтті – онда даулы шешіммен ресейлік жеңіске жеткен еді. 

Жаңалықтарға жазылу: