Қаңтар айында мұнай-газ кірісі 426 миллиард рубльді құрады. Қаржы министрлігі мұндай құлдырауды ресейлік Urals маркалы мұнай бағасы мен газ экспортының төмендеуімен байланыстырды, деп хабарлайды inbusiness.kz.
Министрлік Urals марка мұнайы әлемдік бағаның жартысына тең – барреліне 38 доллардан төмен бағаға сатылады деп мәлімдеді. Бұл Ресейдің қара алтынына Батыс елдері белгілеген 60 долларлық баға шегінен де төмен. Алайда Ресей мұнайды одан жоғары бағамен сатуы әбден мүмкін.
Reuters мәліметтері бойынша, 2022 жылы ресейлік газдың Еуропаға жеткізілуі өткен жылмен салыстырғанда шамамен 46%-ға қысқарды және 2000 жылдан бері ең төменгі деңгейге жетті.
Қаңтарда Ресейдің мұнай-газ емес кірісі 931 миллиард рубльді құрап, 2022 жылдың қаңтарымен салыстырғанда 28%-ға төмендеді.
Сонымен бірге, қаңтар айында бюджет шығындары 59%-ға артып, 3,1 триллион рубльге жетті.
