Қаңтардағы жаппай тәртіпсіздікке қатысты деген айып тағылған Саят Әділбекұлына қатысты қылмыстық қудалау тоқтатылды, деп жазады inbusiness.kz.
"Мені қорғап, сол қаңтар күндерінен бері маған және отбасыма көмек қолын созып, қолдау көрсеткен баршаңызға алғыс айтқым келеді. Қолдағы барым үшін Алла тағалаға алғысым шексіз. Ол маған сіздерді жіберді. Сіздердің көмектеріңізбен қылмыстық қудалауды тоқтатуға қол жеткізіп, өзімді ақтап алдым!", – деп жазады Саят Әдібекұлы өзінің Facebook парақшасында.
"1992 жылдың 9 тамызында туған Саят Әділбекұлына қатысты Алматы қаласы аумағындағы жаппай тәртіпсіздіктерге қатысу фактісі бойынша қылмыстық іс шеңберінде ҚР ҚПК 2-бөлігінің 35-бабы 1-бөлігі 2-тармағының негізінде, оның әрекеттерінде қылмыстық құқық бұзушылық құрамының болуы дәлелденбегендіктен, қылмыстық қудалау тоқтатылсын", – делінген Алматы прокуратурасының қаулысында.
